–अमृत भण्डारी
अहिले मर्स्याङ्दी गाउँ पालिका "बा" पथमा र टुक्के बिकासमा जाँदैछ । 
"सुखी नेपाली ,समृद्द नेपाल।" त्यही कपि गरेर मर्स्याङ्दी गाउँपालिकाकाे भित्तामा नारा सजिएको छ । अस्ति भर्खरै दशौं लाख खर्चेर शैक्षिक तीर्थ जानुभो र मेला गरे त्यही अघोषित "ग्रुप" ले। एसइइको नतिजाले त्यसको उद्देश्य ,औचित्य शैक्षिक गुणस्तर पुष्टि गरिदियो ।
"सुखी नेपाली ,समृद्द नेपाल।" त्यही कपि गरेर मर्स्याङ्दी गाउँपालिकाकाे भित्तामा नारा सजिएको छ । अस्ति भर्खरै दशौं लाख खर्चेर शैक्षिक तीर्थ जानुभो र मेला गरे त्यही अघोषित "ग्रुप" ले। एसइइको नतिजाले त्यसको उद्देश्य ,औचित्य शैक्षिक गुणस्तर पुष्टि गरिदियो ।गण्डकी प्रदेशको नै खराब स्वास्थ्य सेवा भएको पालिका मर्स्याङ्दी भनेर रिपोर्ट आयो त्यसको पुष्टि पनि अस्ति मात्रै जिबनजल खान नपाएर ६ बर्षिय बालकको मुत्युले यिनीहरुलाइ पोल्यो कि पोलेन होला लाजले ? गाउँ पालिकाले एउटा श्रद्धाञ्जली समेत दिएर मृतकको परिवारसँग क्षमायाचना र सिङ्गो पालिकाबासिसग माफी समेत मागेन । स्थानीय सरकार प्रमुख र जनप्रतिनिधिले यो अनैतिकता, गैरजिम्मेवारी र मानवीय असम्बेदनाको पराकाष्ठा हो ।
०७४ पछाडि उद्योग र ब्यबसाय धमाधम बन्द भए कारण कार्यकर्तालाई व्यावसायिक टीका लगाएर सुबिधा , सहयोग , अवसर र अनुदान सबै दिने तर वास्तविक व्यावसायिलाई राजनीतिक प्रतिशोध लिएर हतोत्साहित र दुख दिने गर्दा दर्जनौं व्यावसाय बन्द भए र करोडौंको लगानी डुब्यो र युवा व्यावसायिहरु रुदै रुदै बिदेशिन बाध्य भए । र उनका टिके पुरस्कृत ब्यबसायी केहिले अनुदानको मात्रै खेती गर्छन् त कोहि अनुदान बेचेर खाने स्थितिमा पुगे । प्रमाण चाहिन्छ भने म दिउला। उचालेको कुकुरले मृग मार्दैन।
जतिबेला मैले व्यावसायिक नेतृत्व गरे त्यतिबेला हामी पालिका मात्रै होइन मनाङ , चितवन र काठमाडौ कुखुरा निर्यात गर्थ्यौ ।अहिले एउटा पनि खोरमा कुखुरा छैन किन ?
तरकारी र खाद्यान्नमा हामी आत्मानिर्भर बन्दै थियौँ तर अहिले खाद्यान्नको उत्पादनको हालत के छ ? सबैजसो फाँटहरु , खेतबारी बाझै छ किन ? यसको जवाफ छ ?
पोहोर साल मात्रै दूध नबिकेर सहकारीले हप्तामा १००/२०० लिटर खुदिखोलामा फाल्यो पछि दूध व्यावसायि किसानको मैले अगुवाई गरे आफै बजार खोजे किसानलाई एकजुट पारे शुद्ध र स्वस्थकर दूध उत्पादनमा उत्साहित गरे बजारको समस्या हट्यो दुधको माग बढ्यो । माग पुर्ती सम्झौताअनुरूप गर्न सकिएन उत्पादन बढाउन किसान तयार भए तर स्थानीय सरकारले उद्यम बिकास कोषको ५० लाख बैंकमा राखेर कसैले ब्याज खाइरहेको छ तर हामी धितो वा सामुहिक जवानिमा ऋण लगानी गर भन्दा गरेन । मैले छोडें अभियान ।अहिले दूध उत्पादन र बजारको हालत के छ ?
मलाइ किसान भन्दा पनि काङ्ग्रेसको नजरले हेरियो जबकी हाम्रो अभियानमा ९९% एमालेका समर्थक साथीहरू हुनुहुन्थ्यो जो असली किसान र व्यावसायी हुनुहुन्थ्याे । मैले मात्रै साथीहरूकै आग्रहमा अगुवाई गरेको थिएँ । हाम्रो अभियानलाई हराउनु भो तर तपाइले जित्नु भो त ? कसरी ?
अहिले भर्खरै "मर्स्याङ्दी ग्रुप" भेला गरियो धेरै राम्रो । तर ..विधि र बिधान बनाएर यसको समिति र संयोजक छान्नु पर्ने ठाउँमा एमाले पार्टी कमिटीले निर्णय गरेर टिपोट ल्याएर गाउँ पालिका अध्यक्ष आफैले खल्तिबाट निकालेर नाम सार्बजनिक गर्नु भो । त्यत्रा १५० जना उपस्थित जनप्रतिनिधि, ब्यबसायी, युवा र राजनीतिक दल वाङ खाए, रमिते भए ।
त्यो भेला त्यत्रा मान्छे त्यही रमिता हेराउन बोलाइएको थियो ? अझै चासो लाग्दो कुरा के छ भने अध्यक्षज्यू आफै संयोजक बस्नु भयो । पालिका आफै वा स्थानीय सरकारले लगानी गर्ने र पालिका अध्यक्ष आफै बस्नु भनेको स्वार्थ बाझिने र बिधिको सिद्धान्त बिपरित कुरा हो । यसरी शुरूवात नै स्वार्थ र त्रुटिपूर्ण रहेको मर्स्याङ्दी ग्रुपले उत्साह भन्दा शङ्का पैदा गरेको छ ।
हिजो पनि स्थानीय सरकारको लगानीमा मर्स्याङ्दी सहकारी, समूह, फार्म आदिको नाउँमा अनियमितता र अपार असफलता पछि पुनः कुन स्वार्थमा नयाँ ग्रुप खडा गरिदै छ ? समयले बताउला तर यसको साक्षी नेपाली काङ्ग्रेसका ४ जना वडा अध्यक्ष र जनप्रतिनिधि बन्नुहुदैन । यहाँ थुप्रै राजनीतिक स्वार्थ लुकेका छ्न् । तसर्थ हामी अगुवा पार्टी पङ्ति र सम्पूर्ण मर्स्याङ्दी बासीले नेपाली काङ्ग्रेसको तपाईं जनप्रतिनिधिहरु बाट कुनै पनि ब्यक्तिगत स्वार्थ र साइनो भन्दा माथी उठेर पार्टी र पालिकालाइ अहित हुने कुनै पनि काम हुनेछैन भन्नेमा आशावादी छौ । हेक्का रहोस ! तपाइहरु जनप्रतिनिधि मात्रै नभै सिङ्गै नेपाली काङ्ग्रेस पार्टीको पनि प्रतिनिधित्व गर्दै हुनुहुन्छ ।
हिजैदेखी मर्स्याङ्दी गाउँ पालिकाको खोला , नदि र प्राकृतिक श्रोत साधन माथि एउटा समुहको गिद्दे नजर छ । विभिन्न पार्टी , ग्रुप र समूहले अकुत फाइदा लिंदै आएको छ र अघोषित ग्रुप आबद्ध केही मुठ्ठीभर टाठाबाठा अनि नेता भनाउँदाहरु जिल्ला बाहिर ५/७ वटा घडेरी र करोडौं बैंक ब्यालेन्स राख्न सक्ने आर्थिक हैसियतमा छ्न्, कहाँबाट आयो त्यत्रो आर्थिक हैसियत ? तिनीहरुले त्यस्तो रात दुईगुणा दिन चौगुणा हुने के काम गरेका छ्न् ?
तसर्थ मर्स्याङ्दी गाउँ पालिका भित्रको प्राकृतिक श्रोतसाधन कुनै समूह, पार्टी वा नेताहरूको निजि सम्पत्ति वा अपुताली होइन । सबै मर्स्याङ्दी गाउँपालिकाबासी जनताको साझा सम्पत्ति हो र त्यसमा सबैकाे उत्तिकै हक अधिकार छ ।
यदि राजनीतिक र दलीय स्वार्थ भन्दा माथी उठेर सकारात्मक सोचका साथ सबै पालिका बासिलाइ समेटेर जाने हो भने यो अवधारणा र सोच "मर्स्याङ्दी ग्रुप" आफैमा परिबर्तनकारी र बिकासकाे सहायक छ । जय नेपाल !
३१ असार २०८०, आईतबार
